Qazaqstandyq eksporttaýshylardyń 2,2 mlrd teńge shyǵyny óteledi
QR Saýda jáne ıntegratsııa mınıstrligi baspasóz qyzmetiniń málimetinshe, 2019 jylǵy 15 jeltoqsan kúni tańerteń «QazIndustry» AQ-na óńdelgen taýarlardy eksporttaýshy sýbektilerdiń shyǵynyn óteýge qatysty 317 kompanııadan 484 ótinim kelip túsken.
Onyń ishinde 369 ótinim taýarlardy jetkizýge baılanysty shyǵyndar boıynsha (taýarlardy temir, áýe, avtomobıl, teńiz kólikterimen jetkizýge baılanysty jáne tasymaldaýdy uıymdastyrý boıynsha shyǵyndar), 139 ótinim taýarlardy ilgeriletý boıynsha túsip otyr.
Aıta keterligi, otandyq óńdelgen taýarlardy ilgeriletý boıynsha ındýstrııalyq-ınnovatsııalyq qyzmet sýbektileri shyǵyndarynyń bir bóligin óteý qaǵıdalaryna sáıkes, olarǵa shetelde taýarlardy jarnamalaýǵa jáne ilgeriletýge baılanysty shyǵyndar; qoımany ustaýǵa arnalǵan shyǵyndar; sheteldik naryqtarda taýarlardy tirkeýge jáne tehreglamentterge sáıkestikke arnalǵan rásimderden ótýge baılanysty rásimderdi júrgizýge arnalǵan shyǵyndar jáne taǵy sol sııaqty shyǵyn túrleri jatady.
«Qaǵıdalarǵa ózgerister engizilgennen keıin (2019j. 29 qazan) «QazIndustry» AQ-ǵa 336 ótinimder kelip tústi. 81 kompanııadan jalpy sommasy 2,2 mlrd tengeni quraıtyn ótinim maquldandy», - dep atap ótedi vedomstvodan.
