Qazaqstandyq eksportqa ónim shyǵarýshylardy qoldaý ortalyqtary 12 elde qurylatyn bolady
ASTANA. 16 qańtar. QazAqparat - Ulttyq eksporttyq strategııalar jobasy sheńberinde 12 elde qazaqstandyq eksportqa ónim shyǵarýshylardy qoldaý Ortalyqtary qurylatyn bolady, dep habarlady «Kaznex Invest» eksport jáne ınvestıtsııalar boıynsha Ulttyq agentigi» AQ basqarma tóraǵasynyń orynbasary Meıirjan Máıkenov.
«Bizdiń belsendi qozǵalysymyzǵa osynaý bizdiń bıznesimizdi qoldaýǵa járdemdesetin jeli jetispeı turǵan edi. Biz bul jerde eki jobany kórip otyrmyz. Olar birinshiden - memlekettik 12 basymdyqqa ıe elderde elshilikterde saýda attasheler engizý, ekinshiden - MJS tehnıkalyq qoldaý, keńes stoldarymen qamtamasyz etilgen ókildikter ashý. Júıe bıznestiń suranystaryna baǵyttalǵan ıkemdi bolýy kerek», - dedi ol.
M.Máıkenovtiń sózine qaraǵanda, Ulttyq kásipkerler palatasy MJS jobasyndaǵy ókildikter qurý tujyrymdamasymen shuǵyldanatyn bolady, dep jazady www.primeminister.kz .
Eksportshylardy qarjylyq jáne saqtandyrý jónindegi máselege keler bolsaq, onda qoldanystaǵy tetikterdi keńeıtip jáne eksportqa shyǵarý aldynda qarjylandyrýdy engizý usynylýda, - dedi ol.
«Qazaqstandyq óndirýshi eksporttyq kelisimshart bolǵandyqtan bankke baryp taýaryn aınalymǵa túsirý úshin eksporttyq kelisimshart negizinde nesıe alady», - dep qorytyndylady ol.
