Qazaqstandyq ekıpaj Africa Eco Race kezeńinde taǵy da kúshtiler úshtiginen kórindi
ASTANA. 4 qańtar. QazAqparat - Mobilex Racing Team komandasy quramynda óner kórsetip jatqan qazaqstandyq avtoshabandozdar ıÝrıı Sazonov pen Aryslan Sahımov Africa Eco Race-2014 bedeldi rallı-marafony tórtinshi kezeńiniń qorytyndysymen tórtinshi orynǵa ıe boldy, dep habarlady Vesti.kz.
Olar qashyqtyqty tórt saǵat 38 mınýt jáne 44 sekýndta eńserip, kezeń jeńimpazy Mıshel Týron Barrere basqaratyn frantsýz ekıpajynan alty mınýt 34 sekýnd qana keıin qaldy.
Mobilex Racing Team quramyndaǵy Qanat Shaǵyrov pen Aleksandr Morozdyń ekinshi ekıpajy kezeńdi 13-shi orynmen aıaqtady. Olar Hummer H3 avtomobılimen qashyqtyqty bes saǵat bir mınýtta eńserdi.
390 shaqyrymdyq bul kezeń burynǵylardan góri eń kúrdeli boldy. Joldyń jartysy tegis bolǵanmen, odan ári tasty, eńisi men óri aralas burǵalańy kóp edi. Onyń ústine shabandozdardy qaıta-qaıta dóńgelekter jarylyp, ábigerge saldy. Dóńgelekten ushqan tas ta mashınalardyń bir-brine jaqyndaýyna eleýli kedergi keltirdi.
Tórt kezeńniń jalpy qorytyndysymen Jan-Lýı Shlesser men Terı Magnaldıdiń frantsýz ekıpajy alda keledi. Shaǵyrov pen Moroz tórtinshi orynnan besinshi orynǵa syrǵydy. Al Sazonov pen Sahımov 12 orynǵa keledi.
Eske sala keteıik, úshinshi kezeńde kúshtiler úshtigin Shaǵyrov pen Morozdyń ekıpajy tuıyqtaǵan edi, al Sazonov pen Sahımov jetinshi orynda bolatyn.
Africa Eco Race - klassıkalyq «Dakar» jolbaǵytymen ótetin halyqaralyq rallı-marafon. Bıyl bul jarys Marokko, Mavrıtanııa jáne Senegal memleketteriniń aýmaǵymen ótedi. Rallı 2013 jyldyń 29 jeltoqsanynda frantsýzdyń Sen-Sıprıen qalasynda bastalǵan bolatyn, 2014 jylǵy 11 qańtarda Dakarda aıaqtalmaq. Oǵan qatysýshylar 11 kezeńge bólingen 5580 shaqyrymdy júrip ótedi.
