Qazaqstandyq eki JOO Túrkııa ýnıversıtetimen bilim berý salasynda yntymaqtasty
ASTANA. QazAqparat - Túrkistandaǵy Qoja Ahmet ıAsaýı atyndaǵy Halyqaralyq qazaq-túrik ýnıversıteti Túrkııanyń Ystanbul ýnıversıtetimen jáne Qazaqstannyń Ál-Farabı atyndaǵy Qazaq Ulttyq ýnıversıtetimen yntymaqtastyq memorandým jasasty, dep habarlaıdy oqý ornynyń baspasóz qyzmeti.
Memorandým jasasý barysynda ýnıversıtet prezıdenti, professor Ýálıhan Ábdibekov pen І vıtse-prezıdent, professor M.Kýtalmysh shara maqsatyn túsindirip berdi. Munan ári sóz alǵan Ystanbul ýnıversıtetiniń rektory, professor Mahmýt Ak Túrkııanyń bedeldi ýnıversıteti jóninde maǵlumattar berip, búgingi yntymaqtastyqtyń keleshekte eki tarapqa da ıgilik alyp keletinin jetkizdi.
Elimizdiń qara shańyraǵy sanalatyn Qazaq Ulttyq ýnıversıtetiniń rektory, professor Ǵalymqaıyr Mutanov óz kezeginde aldaǵy ýaqytta eki bilim oshaǵy arasynda tájirıbe almasý, áriptestik maqsatta túrli baǵyttarda tıimdi is-sharalardyń atqarylatyndyǵyn aıtty. Sondaı-aq, Ǵalymqaıyr Mutanov professor Ý.Ábdibekovke jáne professor M.Kýtalmyshqa «ál-Farabı atyndaǵy QazUÝ-ǵa 80 jyl» mereıtoılyq medalin tabystady.
Ahmet ıAsaýı ýnıversıtetiniń prezıdenti Ýálıhan Seıdildáuly qadirli qonaqtar, professor Mahmýt Ak pen professor Ǵalymqaıyr Mutanovqa ýnıversıtettiń «Qurmetti professory» ataǵyn tabystap, syı-syıapat tapsyrdy.
Munan ári, úsh JOO rektorlary ózara yntymaqtastyq memorandýmyna qol qoıdy. Joǵary bilim berý salasynyń kóshbasshylary ózara áriptestik baılanystardyń nátıjesinde birlikte ınnovatsııalyq jobalar jasaý, kásibı mamandar daıarlaý, stýdent almasý, ǵylymı-zertteýler, ortaq mádenı sharalar júrgizý sııaqty, t.b. máseleler qolǵa alynatyndyǵyn basa aıtty.
Óz kezeginde qonaqtar oqý orda basshylary professor Ýálıhan Ábdibekov pen M.Kýtalmyshqa syılyqtar tabystap, ýnıversıtet ujymyna jemisti tiledi. Ýnıversıtettiń lebiz kitabyna tilekterin qaldyryp, oqý oryn kampýsy men mádenı oshaqtarymen tanysty.
Aıta keter bolsaq, Ystanbul ýnıversıteti 24 myń oqytýshy-professor men qyzmetkeri bar Túrkııanyń eń ozyq beldi ýnıversıteti. Onda qazirgi tańda 260 myń stýdent oqıdy. 564 jyldyq tarıhy bar oqý orynynda 5 medıtsınalyq klınıka jumys jasap tur.
