Qazaqstandyq eki týrıst Fılıppınnen elge qaıta almaı otyr
NUR-SULTAN. QazAqparat - Qazaqstandyq eki týrıst Fılıppınnen elge qaıta almaı otyr. Bul týraly búgin ótken brıfıngte QR Syrtqy ister mınıstrliginiń resmı ókili Aıbek Smadııarov aıtty, dep habarlaıdy QazAqparat tilshisi.
«Jakkartadaǵy Elshiliktiń málimetine sáıkes, Fılıppınde janartaýdyń atqylaýy saldarynan Qazaqstan azamattary zardap shekken joq. Qazirgi tańda tek eki azamatymyz ǵana baılanysqa shyǵyp, Manıla qalasynan ushyp kete almaıtyndyqtaryn jetkizdi. Olar ózderiniń avıabıletterin aýystyryp, 15 qańtarda basqa qalaǵa ushyp shyǵýyn josparlap otyr», - dedi Aıbek Smadııarov BAQ ókilderiniń saýalyna oraı.
Onyń aıtýynsha, qazirgi ýaqytta Manıla áýejaıy jabyq. Birde-bir ushaq ushpaıdy.
