Qazaqstandyq eki sportshy dopıng kúdigine ilindi
ASTANA. 4 qarasha. QazAqparat - Aýyr atletıkadan bıyl Astanada ótken Azııa chempıonatynda chempıon atanǵan eki qazaqstandyq sportshy dopıng qoldandy dep aıyptalýy múmkin.
Halyqaralyq aýyr atletıka federatsııasy bıylǵy jylǵy jarystar kezinde dopıng qoldandy degen kúdikke ilingen 64 sportshy bar ekenin jarııalaǵan edi.
Astanada ótken Azııa chempıonatynda top jarǵan Aleksandra Aborneva (+75 kg) men Aleksandr Zaıchıkov (94 kg) «dopıng qoldanýy múmkin» sportshylardyń tiziminde bar.
Eger eki sportshynyń dopıngke qatysy bar ekeni dáleldense, olar eki jylǵa sporttan shettetilip, Azııa chempıony ataǵynan aıyrylady. Halyqaralyq aýyr atletıka federatsııasy dopıng qoldanǵandardyń naqty tizimin jyl sońynda jarııalaıdy. Bul týraly alaman.kz habarlady.
