Qazaqstandyq eki oqýshy qyz shahmattan álem chempıony atandy

ASTANA. QazAqparat - Grekııanyń Rodos qalasynda mektep oqýshylary arasynda shahmattan álem chempıonaty aıaqtaldy, dep habarlaıdy QazAqparat.

14-22 sáýir aralyǵynda ótken aqyl-oı alamanyna 7-17 jas aralyǵyndaǵy 500-den astam tańdaýly shahmatshy qatysty.

Bul básekede Qazaqstan quramasy júlde sany jaǵynan 1-oryn (2 altyn, 2 kúmis, 5 qola) aldy.

G09, ıaǵnı 9 jasqa deıingi oıynshylar arasynda klassıkalyq shahmattan Alanna Berikqyzy keremet nátıje kórsetip, chempıon atandy.

Ol shveıtsarııalyq júıe boıynsha 9 partııanyń segizinde jeńiske jetti.

Otandasymyz sheshýshi matchta negizgi qarsylasy mońǵolııalyq Tselmýýn Iderden (8 upaı) basym tústi. Jalpy bul jas sanatynda 41 oıynshy synǵa tústi.

Osy tusta Alanna bir jarym jyldyń ishinde 4-razrıadtan álem chempıony atyǵyna deıin jetip otyr.

Osy nátıjesiniń arqasynda qazir Alanna Berikqyzy G09 boıynsha FIDE reıtınginde 1-orynǵa kóterildi.

Al bul dodada elimizden shyqqan ekinshi chempıon – Ámına Qaıyrbekova.

Ol 17 jasqa deıingi sanatta 8 kezdesýdi utyp, túrkııalyq Zeınep Chıftındi (7,5 upaı) artta qaldyrdy.

Úzdik úshtikti 6 ret utyp, bir ret teń túsken taǵy bir túrkııalyq Elıfnaz Akat, (6,5 upaı) túıindedi.

Top jarǵan Alanna Berikqyzyna bas júldeni belgili shahmatshy Jan-Mıshel Raper, al Ámına Qaıyrbekovaǵa Rodos qalasy gýbernatorynyń orynbasary Kallıstos Dıakogeorgıý tabystady.

Kúmis júldeger atanǵan qazaqstandyqtar – Nuráli Nýrshın, (U07 jas sanaty, 7,5 upaı), Aısultan Bısalıev (U09 jas sanaty, 7).

Qola júlde alǵandar – Rızat Ulan (U07 jas sanaty, 7 ball), Álimjan Jaýynbaı (U09 jas sanaty, 7 upaı), Danıs Qýandyquly (U11 jas sanaty, 6,5), Edgar Mamedov (U13 jas sanaty, 7), Dalııa Dıasqyzy (G11 jas sanaty, 6,5).

Júlde sany jaǵynan 2-orynǵa Túrkııa (3 altyn, 2 kúmis, 2 qola) jaıǵassa, úzdik úshtikti Mońǵolııa (2 altyn, 3 kúmis, 1 qola) túıindedi.