Qazaqstandyq eki dzıýdoshy álemdik Grand Slam qola júldegeri atandy
NUR-SULTAN. QazAqparat - Qazaqstandyq Dáýren Súıeýkenov pen Eset Qýanov Qazanda ótip jatqan dzıýdodan álemdik Grand Slam týrnıriniń qola júldegeri atandy, dep habarlaıdy QazAqparat tilshisi.
Tatarstannyń astanasy Qazan qalasynda dzıýdodan ótip jatqan álemdik Grand Slam týrnırinde Dáýren Súıeýkenov 60 kelige deıingi salmaqta qola medal úshin chehııalyq Devıd Pýlkrabekpen tatamıge shyǵyp, jeńiske jetti. Bul - jas dzıýdoshynyń osyndaı aıtýly jarystaǵy alǵashqy tabysy.
Taǵy bir qazaqstandyq Eset Qýanov 66 kelige deıingi salmaqta qola júldege ilikti. Ol grýzııalyq balýandy ıppon ádisimen taza jeńdi. Osylaısha jarystyń birinshi kúni Qazaqstan quramasynyń qorjynyna qos qola júlde tústi.
Grand Slam týrnıri odan ári jalǵasýda.
Eske sala keteıik, budan buryn Qazaqstan quramasynyń Qazanda Grand Slam týrnırinde óner kórsetetinin jazǵan bolatynbyz.
