Qazaqstandyq eki boksshy WBC jáne WBO belbeýin jeńip aldy

ALMATY. QazAqparat - Almatyda qazaqstandyq boksshylar tanymal MTK Global promoýter kompanııasynyń altyn kelisimshartyn jeńip alý úshin ózara baq synasty, dep habarlaıdy QazAqparat Sports.kz resýrsyna silteme jasap.

Týrnırde alǵashqy jeńisti Torǵynbek Ámirov (3-0, 0 KO) qanjyǵasyna baılady. Ol tóreshiler sheshimimen Álimjan Tursynovtan basym tústi.

Al «Altyn kelisimsharttyń» ekinshi ıesi - Nurbol Sultanbaı (4-0, 1 KO) . Ol fınalda Mıras Ertanovty utty.

Ámirov pen Sultanbaı kelisimsharttan bólek, eki chempıon belbeýin jeńip aldy. Olar - WBC (ABC Silver) jáne WBO Asia Pacific.

Torǵynbek Ámirov ekinshi jartylaı jeńil salmaqta eki tıtýldy biriktirse, Nurbol Sultanbaı birinshi orta salmaqta qos tıtýlǵa ıe boldy.