Qazaqstandyq eki boksshy Ekaterınbýrgte sharshy alańǵa shyǵady
ASTANA. QazAqparat - Qazaqstandyq boksshylar Stanıslav Kalıtskıı (3-0, 3 KO) men Dáýlet Dáýkenovtiń (3-0, 1 KO) sharshy alańǵa oralatyn ýaqyty belgili boldy, dep habarlaıdy Sports.kz .
Olar Ekaterınbýrg qalasynda RCC Boxing Promotions kompanııasynyń boks keshinde sharshy alańǵa shyǵady. Kalıtskııdiń jekpe-jegi 10 aqpanǵa josparlanǵan. Oǵan ekinshi jartylaı jeńil salmaqtaǵy alty raýndtyq aıqasta reseılik Evgenıı Smelov (3-5, 2 KO) qarsylas bolady.
Birinshi jartylaı orta salmaqta óner kórsetetin Dáýkenov kásipqoı bokstaǵy tórtinshi jekpe-jegin Kalıtskııden úsh kúnnen soń, 13 aqpanda ótkizedi. Ázirshe onyń qarsylasynyń kim ekendigi aıtylmaı otyr.
