Qazaqstandyq eki balýan erkin kúresten Azııa chempıony atandy

ASTANA. QazAqparat – Iordanııa astanasy Amman qalasynda ótip jatqan erkin kúresten 15 jasqa deıingi jasóspirimder arasyndaǵy Azııa chempıonatynda eki qazaqstandyq jeńiske jetti, dep habarlaıdy QazAqparat tilshisi.

12 shildeden bastap kúres túrlerinen 15 jáne 20 jasqa deıingi jasóspirimder men jastar arasynda Azııa chempıonaty ótip jatyr. Jarystyń úshinshi kúninde erkin kúresten 15 jasqa deıingi jasóspirimder synǵa tústi. Olardyń arasynan qazaqstandyq eki balýan fınalǵa joldama aldy.

El quraasynan Saıat Ábdýalı (44 keli) ırandyq Keıvan Arshadgasabsaraıdan, Bekasyl Asambek (52 keli) japondyq Taıga Hıbarınodan basym túsip, jeńis tuǵyryna kóterildi.

Sondaı-aq Eraly Áskerbek (48 keli) pen Nurıslam Shalqarov (85 keli) qola júlde aldy.

Endi 15 shildede 20 jasqa deıingi jastar arasynda grek-rım kúresinen shyǵyp, 55, 63, 77, 87 jáne 130 kelide júldeler sarapqa salynady.

Eske salsaq, budan buryn Azııa chempıonatynda áıelder kúresinen elimizdiń 15 jasqa deıingi jasóspirimder quramasy 3 medal aldy.

Sondaı-aq qurlyqtyq dodada grek-rım kúresinen elimizdiń 15 jasqa deıingi jasóspirimder quramasy 8 medal aldy.