Qazaqstandyq dzıýdoshylar Tashkenttegi Álem kýbogynda jeti medaldi jeńip aldy
ShKENT. 19 qyrkúıek. QazAqparat /Qurmat Samarhan/ - Qazaqstandyq sportshylar Tashkentte ótken dzıýdodan Álem kýbogynda jeti medaldi jeńip aldy.
«Ózbekstan» ámbebap sport saraıynda eki kún boıy 26 elden 200-den astam sportshy beldesti. Jarys baǵdarlamasynda erler arasynda 60, 66, 73, 81, 90, 100, 100-den joǵary keli, áıelder arasynda - 48, 52, 57, 63, 70, 78-den joǵary keli salmaq sanattary boıynsha medaldar sarapqa salyndy.
Qazaqstandyq komandada 20-dan astam dzıýdoshylar boldy. Fınaldyq jekpe-jekterdiń qorytyndysymen Eldos Smetov (60 kg) jáne Sergeı Lım (66) «altyndy», Kelbet Nurǵazına (52 kg) men Lenarııa Mıngazova (57 kg) - «kúmisti», Zarına Áldikova (63 kg) men Gúljan Issanova (78 kg-den joǵary) jáne Marıam Ordabaeva (70 kg) «qolany» enshiledi. Qazaqstannyń basqa ókilderi óz salmaq sanattarynda kúshtilerdiń segizdigi qataryna endi.
