Qazaqstandyq dzıýdoshylar «Masters» týrnırine qatysady
ASTANA. QazAqparat - Qazaqstandyq dzıýdoshylar 16-17 jeltoqsan kúnderi Reseıdiń Sankt-Peterbýrg qalasynda ótetin halyqaralyq «Masters» týrnıri qatysady, dep habarlaıdy QazAqparat.
Bul týrnırge álemniń 41 elinen eń tańdaýly 200-ge jýyq dzıýdoshy baq synaıdy dep josparlanǵan. Onyń tórteýi qazaqstandyq balýandar. El namysyn«Masters» týrnırinde úsh er, bir áıel sportshy qorǵaıdy.
Erler arasynda 60 keli salmaqta Ǵusman Qyrǵyzbaev synǵa tússe, 66 keli salmaqta Eldos Jumaqanov jáne 90 keli salmaqta Islam Bozbaev beldesetin bolady. Al áıelder arasynda el namysyn jalǵyz 57 keli salmaqta Sevara Nyshanbaeva qorǵaıdy.
Aıta keteıik, álemdik «Masters» týrnırine IJF reıtınginde TOP-16 -ǵa kirgen sportshylar ǵana qatystyrylady. Jarys qorytyndysy boıynsha birinshi oryn ıelengen sportshylar medaldarmen birge 1800 upaıǵa, ekinshi oryn alǵan sportshy 1260 upaıǵa, al úshinshi oryndy jeńip alǵan balýan 900 upaıǵa ıe bolady.
