Qazaqstandyq dzıýdoshylar Latvııadaǵy jasóspirimder týrnırinde 2-oryn aldy
ASTANA. QazAqparat - ıÝrmalada ótken Young Stars 7-halyqaralyq jasóspirimder týrnırinde Qazaqstan quramasy ekinshi oryn aldy, dep habarlaıdy «QazAqparat» HAA tilshisi.
Birinshi oryndy - Belarýs, úshinshi oryndy Reseı sportshylary ıelendi. Jarysqa Qazaqstannan bólek, Latvııa, Lıtva, Reseı, Qyrǵyzstan, Ýkraına, Horvatııa, Estonııa, Fınlıandııa, Belarýs, Norvegııa elderinen jas dzıýdoshylar qatysty.
Týrnırde qatysýshy elderdiń túrli sporttyq klýbtary men uıymdary óner kórsetti. Sport klýbtary arasynda Astana qalalyq Oqýshylar saraıynyń órenderi qorytyndy nátıje boıynsha 9-oryn aldy. Týrnırge jalpy 800 sportshy qatysty.
Elordalyq Oqýshylar saraıynyń jeńimpazdary men júldegerleri:
Eldos Qabzakı - 1-oryn, 26 kg, 2007-2009 jyldar aralyǵyndaǵy sanat;
Ámir Aqtaev - 1-oryn, 73 kg, 2003-2004 j.;
Bekzat Abylaev - 2-oryn, +90 dárejesi,1999 j.,
Danııar Sembek - 2-oryn, 29 kg, 2007-2009 j.;
Ádil Ádýahatov - 2-oryn, 66 kg, 2003-2005 j.;
Aısultan Aqylbaı - 3-oryn, 38 kg, 2009 - 2010 j.;
Nurasyl Esmaǵambetov - 3-oryn, +90, 2001-2003 j.,
Qazaqstandyq sportshylar barlyǵy 6 altyn, 3 kúmis jáne 7 qola medal jeńip aldy.
