Qazaqstandyq dzıýdoshylar Qytaıda ótetin týrnırge qatysady
NUR-SULTAN. QazAqparat - 12-14 jeltoqsan kúnderi Qytaıdyń Tsındaoda qalasynda dzıýdodan álemdik «Masters» týrnıri ótedi, dep habarlaıdy QazAqparat.
QR Dzıýdo federatsııasy habarlaǵandaı, atalǵan doda jyldyń qorytyndy jarysy bolmaq.
Qazaq eliniń tatamı sheberleri de qatysatyn dodaǵa álemniń 67 elinen 448 tatamı sheberi qatysady dep josparlanǵan.
Halyqaralyq dzıýdo federatsııasynyń erejesine sáıkes, jarys jeńimpazdaryna álem reıtınginde 1800 upaı, kúmis júldegerge – 1260 upaı, al qola júldegerge – 900 upaıdan qosylady.
Atalǵan jarysta el namysyn 9 dzıýdoshy qorǵamaq.
Olar:
Erler:
Eldos Smetov (60 kg)
Ǵusman Qyrǵyzbaev (60 kg)
Eldos Jumaqanov (66 kg)
Erlan Serikjanov (66 kg)
Jansaı Smaǵulov (73 kg)
Dıdar Hamza (81 kg)
Islam Bozbaev (90 kg)
Áıelder:
Otgontsetseg Galbadrah (48 kg)
Sevara Nıshanbaeva (57 kg)
