Qazaqstandyq dzıýdoshylar Germanııada bes júlde enshiledi
ASTANA. QazAqparat -Germanııanyń Bremen qalasynda ótken halyqaralyq dodada jas dzıýdoshylarymyz 5 medal jeńip aldy, dep habarlaıdy QazAqparat tilshisi.
Álemniń 25 elinen 1 myńnan astam tatamı sheberi qatysqan týrnırde Qazaqstan dzıýdoshylary bir «altyn», eki «kúmis» jáne eki «qola» enshiledi.
Altyn medaldy 55 keli salmaqta synǵa túken balýanymyz Dáýren Súıkenov jeńip aldy. Al qos «kúmiske» 55 kelide beldesken Qýanysh Jaqsylyq pen 100 kelide el namysyn qorǵaǵan Erkebulan Abdýlla qol jetkizdi.
Eki qola medalǵa Qaıyrberdi Aıdynbaı (55 keli) men Jasulan Otarbek (60 keli) ıe boldy.
