Qazaqstandyq dzıýdoshylar Brazılııada ótetin álem chempıonatyna joldama aldy

Azııalyq dzıýdo odaǵynyń baspasóz qyzmeti habarlaǵandaı, Ózbekstannyń astanasynda ótken dzıýdo boıynsha Azııa chempıonatynda komandalyq jarystyń qorytyndysy boıynsha basyp ozǵan 4 komanda 2013 jyly Brazılııadaǵy álem chempıonatyna qatysýǵa múmkindik aldy.

Atap aıtqanda, birinshi oryndy ıelengen Ońtústik Koreıanyń komandasy men  ekinshi oryndaǵy - Japonııa, sondaı-aq qola júldegerler Ózbekstan men Qazaqstannyń sportshylary Rıo-de-Janeıro qalasyna barady.

 Sonymen qatar Halyqaralyq dzıýda federatsııasy álemdik reıtıngtiń negizinde aǵymdaǵy jyldyń 2 mamyrynda HHH jazǵy Olımpıada oıyndaryna qatysatyn dzıýdashylardyń tizimin jarııalaıdy.

 Buǵan deıin habarlanǵandaı, Tashkentte ótken Azııa chempıonatynda jeke esepte qazaqstandyq komandanyń sportshylary 1 altyn, 1 kúmis jáne 1 qola medaldan enshiledi. Atap aıtqanda, 66 keli salmaqta Sergeı Lım altyn medal, 78 keliden artyq salmaqta Gúljan Issanova kúmis medal ıegeri atansa, qola medal úshin 100 kelige deıingi salmaqta Vıktor Demıanenko basyp ozdy.