Qazaqstandyq dzıýdoshylar Azııa Kýbogynda baq synaý úshin Qyrǵyzstanǵa attanady
ASTANA. QazAqparat - 21-22 maýsym kúnderi Qyrǵyzstanda jasóspirimder men jastar arasynda dzıýdodan kezekti Azııa kýbogy ótedi, dep habarlaıdy QazAqóparat tilshisi.
QR Dzıýdo federatsııasynyń baspasóz qyzmeti málim etkendeı, Azııa kýbogy jasóspirimder Olımpıadasyna upaı beriletin mańyzdy jarystardyń biri. Sondyqtan atalǵan dodada elimizdiń eń úzdik balýandary baq synaıdy.
Azııa kýbogyna Qazaqstan jasóspirimder quramasynan 37 dzıýdoshy qatysady. Onyń 23-i er balalar bolsa, 14-i qyzdar.
Esterińizge sala keteıik, 2018 jylǵy jasóspirimder Olımpıadasy 6-18 qazan aralyǵyna Argentınanyń Býenos-Aıres qalasynda ótedi.
