Qazaqstandyq dzıýdoshylar Azııa chempıonatynda tórtinshi orynǵa turaqtady
ASTANA. QazAqparat - Gonkongte ótip jatqan Azııa Chempıonatynda dzıýdoshylardyń jeke jarysy aıaqtaldy. Qazaqstannyń namysyn 18 sportshy qorǵady. Nátıjesinde bizdiń quramanyń qanjyǵasyna 1 altyn, 3 kúmis, 3 qola medal tústi. Osy kórsetkishtermen Qazaqstan 4-shi orynda tur, dep habarlady búgin sports.kz.
100 kelige deıingi salmaqta óner kórsetken Maksım Rakov el namysyn abyroımen qorǵady. Jarys bastalysymen jáne jartylaı fınalda ol barlyq qarsylastaryn jeńdi. Fınaldyq jarysta koreılik Kım Hýansheolany jeńip, Azııa chempıony boldy.
Galbadrah Otgontsetseg (48 kg) fınalda Mońǵolııa quramasynyń sportshysy Mýnhbate Ýrantsetsetske ese jiberdi. Fınal oıynyna jetken taǵy bir sportshymyz Eldos Jumaqanov (66 keli) ta Olımpıadanyń kúmis júldegeri, álem chempıony koreı An Baýlýdan jeńildi. Nátıjesinde eki dzıýdoshymyz da chempıonattyń kúmis júldegeri atandy. Jarystyń ekinshi kúni qurama qanjyǵasy taǵy bir kúmis medalmen tolyqty. Ol 90 keli salmaq dárejesinde oıyn kórsetken Islam Bozbaev. Oǵan eskertý kartochkalaryn kóp kórsetýdiń saldarynan tájikstandyq Komronshohý Ýstopırıenýden utyldy.
Sheshýshi jubatý oıynynda Jansaı Smaǵulov (73 keli) ıppon upaıy arqyly ırandyq Mohammadı Barımonloý Mohammadty utty. Sóıtip Azııa chempıonatynyń qola júldegeri atandy. Sondaı-aq Qazaqstan qanjyǵasyna qol medaldi Zere Bektasqyzy (70 keli) jáne Gúljan Isanova (78 keli) saldy.
Áıelder quramasynan Marıan Ýrdabaeva (63 keli), Sevara Nyshanbaeva (57 keli), Albına Amangeldıeva (-78 keli), sondaı-aq aýyr salmaq boıynsha erler quramasy Elaman Erǵalıev pen Erjan Shynkeev Azııa chempıonatyn 5 orynmen aıaqtady.
Eske salsaq, Gonkongte Azııa chempıonaty ótýde. 28 mamyrda komandalyq jarys bastalady.
