Qazaqstandyq dzıýdoshylar Azııa chempıonatynda 5 qola medal oljalady
ALMATY. 22 sáýir. QazAqparat - Taılandtyń Bangkok qalasynda 19-21 sáýir kúnderi dzıýdodan Azııa chempıonaty ótti. Onda el namysyn qorǵaǵan sportshylar 5 qola medalmen jalpykomandalyq esepte 8-shi oryn aldy.
Atap aıtqanda, erler arasynda Eldos Smetov (60 kg), Azamat Muqanov (66 kg), Islam Bozbaev ( 90 kg), Erjan Shyńkeev (+100 kg), áıelder arasynda Lenarııa Mıngazova (57 kg) júldeger atandy. Al Aıgúl Baıkýleva (48 kg), Olesıa Kýtsenko (52 kg), Marıana Ordabaeva (63 kg), Albına Amangeldıeva (78 kg) men Gúljan Isanova (+78 kg) úzdik bestikke kirdi. Al Ertýǵan Tórenov (73 kg) pen Azız Qalqamanuly (81 kg) 9-16 oryndarǵa taban tiredi. Onda japondar - 6 salmaqta, koreıalyqtar - 3 salmaqta top jaryp, Mońǵolııa, KHDR jáne Qytaı dzıýdoshylar bir-bir altyn medal oljalady.
