Qazaqstandyq dzıýdoshylar Azııa chempıonatynan 14 medal jeńip aldy
ASTANA. QazAqparat - Lıvan Astanasy Beırýt qalasynda dzıýdodan jastar arasynda ótken Azııa birinshiliginde jerlesterimiz 3 altyn, 6 kúmis, 5 qola medal jeńip aldy, dep habarlaıdy QazAqparat tilshisi.
QR Dzıýdo federatsııasynyń baspasóz qyzmeti málim etkendeı qurlyqtyq chempıonatqa 22 elden 200-ge jýyq jas dzıýdoshy qatysty.
Qazaqstandyq jas tatamı sheberleri eki kúndik básekede el namysyn abyroımen qorǵap, 3 altyn, 6 kúmis, 5 qola medalǵa qol jetkizdi.
Altyn júldege qazaqstandyqtardan 73 keli salmaqta Ǵaınýllın Ańsarbek, 48 kelide Ǵalııa Tynbaeva jáne 57 kelide Aıda Karchaeva qol jetkizdi.
Al kúmis júldeni Adııa Saıyn (44 kg), Aqmaral Naýatbek (48 kg), Dıana Aıpova (52 kg), Málik Temirsultanov (90 kg), Kamıla Berliqash (+78 kg) jáne Móldir Narynova (-70 kg) jeńip alsa, qola medaldi Almas Ǵalymov (60 kg), Baýyrjan Narbaev (60 kg), Bolat Bilál (55 kg), Erasyl Bolat (90 kg) jáne Nazerke Tileýhanova (-78 kg) qanjyǵalaryna baılady.
Foto:www.fdk.kz
