Qazaqstandyq dzıýdoshylar álem chempıonatynda komandalyq saıysqa qatysady
ASTANA. QazAqparat - Ózbekstan astanasy Tashkent qalasynda ótip jatqan dzıýdodan álem chempıonatynda balýandar 13 qazanda komandalyq saıysqa qatysady, dep habarlaıdy QazAqparat tilshisi.
Komandalyq saıys aralas túrde ótkiziledi. Onda erlerden 3, áıelderden 3 salmaqta balýandar el namysyn qorǵaıdy.
Qazaqstandyq balýandar alǵashqy aınalymda Nıderland quramasymen kezdesedi. Jeńimpaz qurama jarystyń kelesi satysynda Japonııamen sheberlik baıqasady.
Olardan basym túskeni fınalǵa joldama alady.
Al jeńilgen quramanyń jubanysh beldesýine qatysýyna múmkindigi bar. Jubanysh beldesýinde jeńgeni qola júldege talasady.
Komandalyq saıysta erlerde Danııar Shámshaev pen Asqarbek Ǵaınýllın (ekeýi de 73 keli), Dıdar Hamza men Ersultan Muzafarov (ekeýi de 90 keli), áıelderde Sevara Nıshanbaeva (57 keli), Esmıgúl Kýıýlova men Anastasııa Maıakova (ekeýi de 70 keli), Kámıla Berliqash (78 keli) el namysyn qorǵaıdy.
Eske salsaq, 12 qazanda qazaqstandyq balýandar jekeleı synda jarysty aıaqtady.
Foto: olympic.kz
