Qazaqstandyq dzıýdoshylar álem chempıonatynda eki medal ıelendi
ASTANA. QazAqparat - Bakýde dzıýdodan ótip jatqan Álem chempıonatynda jekeleı syndar boıynsha beldesýler aıaqtaldy, dep habarlaıdy QazAqparat tilshisi.
QR Dzıýdo federatsııasynyń baspasóz qyzmetinen habarlaǵandaı, búgin, jarystyń sońǵy kúninde Qazaqstan sapynan 3 dzıýdoshy óner kórsetti.
100 keliden joǵary salmaqta beldesken balýanymyz Erasyl Qajybaev Chılı sportshysy Frantsızko Solısti ıppon upaıymen utyp, jarysty sátti bastady. Alaıda, ekinshi kezdesýinde ózbek balýany Bekmýrod Oltıboevtan jeńilip qaldy.
Al áıelder arasynda (78 keliden joǵary sanatta) Gúljan Isanova birinshi kezdesýin pýortorıkolyq Mojıka Melıssaǵa qarsy ótkizse, dál osy salmaqtaǵy Kamıla Berliqash reseılik Elızavetta Kalanınamen beldesti. Ókinishke qaraı, burymdy qos balýanymyz qarsylastaryna ese jiberip, jarysty birinshi aınalymda aıaqtady.
Bakýdegi Álem chempıonaty búgin aıaqtalady. Qazaqstan quramasynyń qorjynynda qos medal bar. «Qolany» Galbadrah Otgontsetseg, «kúmisti» Erlan Serikjanov jeńip alǵan bolatyn.
Foto: fdk.kz
