Qazaqstandyq dzıýdoshy jasóspirimder arasynda álem chempıony atandy
NUR-SULTAN. QazAqparat – Qazaqstandyq Nurqanat Serikbaev Almatyda jasóspirimder arasynda ótip jatqan álem chempıonatynda jeńimpaz atandy, dep habarlaıdy QazAqparat tilshisi.
Qazaqstan dzıýdo federatsııasy málim etkenindeı, N.Serikbaev 50 kelige deıingi salmaqta úzdik shyqty.
Ol fınalda frantsııalyq dzıýdoshy Valadıer Pıkard Romaındy jeńdi.
Sondaı-aq jasóspirim qyzdar arasynda Álıma Jumaǵalıeva 40 kelige deıingi salmaqta qola júldege ıe boldy.
Dúnıejúzilik doda 29 qyrkúıek kúni márege jetedi.
Eske sala keteıik, budan buryn Almatyda jasóspirimder arasynda álem chempıonaty bastalǵanyn jazǵan bolatynbyz.
