Qazaqstandyq dzıýdoshy Tıýmende ótken halyqaralyq týrnırde qola júldeger atandy
ORAL. QazAqparat - Reseıdiń Tıýmen qalasynda dzıýdo kúresinen 2000-2002 jylǵy jasóspirimder arasynda «Qyzmet babynda qaza bolǵan ishki ister bóliminiń arnaıy jasaǵy qyzmetkerlerin eske alýǵa» arnalǵan «Novyı Potok» aımaqtyq qoǵamdyq uıymynyń júldesi úshin ótken halyqaralyq týrnırde batysqazaqstandyq Erlan Ońalov tabysty óner kórsetti.
Sportqa daryndy balalarǵa arnalǵan mamandandyrylǵan oblystyq mektep-ınternatynan túsken málimetke qaraǵanda, osymen úshinshi ret uıymdastyrylǵan atalmysh jarysqa álemniń Frantsııa, Slovakııa, Slovenııa, Belarýs, Grýzııa, Horvatııa, Armenııa, Koreıa, Qytaı, Reseı, Monǵolııa, Gonkong, Ázerbaıjan, Tájikstan, Ózbekstan syndy 16 elinen 500-deı dzıýdoshy qatysqan. Osyndaı aıtýly dodada Erlan 50 kg salmaqta qola júldeger atandy. Onyń bapkerleri - Ergen Ýsmanov pen Narıman Bekqalıev.
Aıta keteıik, Erlan Ońalov buǵan deıin ıAkýtııada ótken halyqaralyq «Azııa balalary» oıyndarynyń da qola júldesin ıelengen bolatyn. 
