Qazaqstandyq dzıýdoshy Maksım Rakov Germanııada altyn ıelendi
ASTANA. 20 aqpan. QazAqparat - Germanııanyń Dıýsseldorf qalasynda 18-19 aqpan kúnderi júlde qory 100 myń AQSh dollaryn quraıtyn, dzıýdo boıynsha «Gran prı» týrnıri ótti. Qazaqstandyq dzıýdoshy Maksım Rakov óziniń joǵary deńgeıin kezekti ret dáleldep, otandyq jankúıerlerdi altyn medalmen qýantty.
Bul týraly Qazaqstannyń Dzıýdo federatsııasynan málim etti.
26 jastaǵy qaraǵandylyq 100 kelige deıingi salmaqtyq dárejede ótkizgen bes kezdesýdi de jeńispen aıaqtady. Birinshi bolyp Maksım jańazelandııalyq sportshy ıAson Kostermen, odan keıin ýkraınalyq Artem Bloshenkomen, grýzındyq Levan Jorjolıanımen kezdesti. Al aqtyq márege shýǵy jolynda Rakov, ózine etene tanys dzıýdoshy Darvısh Ramadanmen beldesti. Buǵan deıin de Rakovqa shamasy kelmegen Ramadan bul joly da oısyra utyldy.
Dıýsseldorftyq «Gran-prıdiń» jartylaı fınaldyq oıyny da otandyq sportshynyń paıdasyna sheshildi. Alańda ár jyldarǵy álem chempıondary - qazaqstandyq maksım Rakov pen koreılik Hı-Tae Hvang kezdesti. M.Rakov óz jeńisimen altyn ıelenip qana qoımaı, óziniń reıtıngilik esebin 200 upaımen eseledi. Ol rangter boıynsha álemdik tizimniń alǵashqy qatarynda ádil ornalasqandyǵyn taǵy bir márte rastady.
Ókinishke qaraı, týrnırde otandyq ózge dzıýdoshylardyń birde-biri jeńis tuǵyryna kóterile almady. Jarysqa 86 elden barlyǵy 554 sportshy qatysty.
