Qazaqstandyq dzıýdoshy kadetter arasynda álem chempıonatynyń qola júldegeri atandy
ORAL. QazAqparat – Qazaqstandyq Talǵat Orynbasar Bosnııa jáne Gertsegovına astanasy Saraevoda dzıýdodan kadetter arasynda ótip jatqan álem chempıonatynda qola júldeger atandy, dep habarlaıdy QazAqparat tilshisi.
Qazaqstan dzıýdo federatsııasynan málim etkendeı, Talǵat Orynbasar 60 kelige deıingi salmaqta úzdik úshtikke ilikti.
Ol qola júlde úshin básekede ózbekstandyq Sardor Hımmatovty jeńdi.
Osylaısha, Qazaqstan jasóspirimder quramasynyń qorjynyna ekinshi qola medal tústi.
Qazaqstan jasóspirimder quramasynyń aǵa jattyqtyrýshysy – Baqytjan Tórebekov.
Eske sala keteıik, budan buryn dzıýdodan kadetter arasyndaǵy álem chempıonatynda Qazaqstan qola alǵanyn jazǵan bolatynbyz.
Foto: instagram.com/kaz_judoteam/
