Qazaqstandyq dzıýdoshy Grand Slam týrnıriniń qola júldegeri atandy
NUR-SULTAN. QazAqparat - Qazaqstandyq Ǵusman Qyrǵyzbaev Tel-Avıv qalasynda ótip jatqan «Úlken dýlyǵa» týrnıriniń qola júldegeri atandy, dep habarlaıdy QazAqparat tilshisi.
Qazaqstandyq dzıýdoshy 60 kelige deıingi salmaqtaǵy qola júlde úshin básekede ýkraınalyq Artem Lesıýkti vazarı upaıymen tize búktirdi.
Doda barysynda Ǵ.Qyrǵyzbaev brazılııalyq Allan Kývabarany jeńdi. Shırek fınalda ázirbaıjandyq Davýd Mammadsoıǵa ese jibergenimen, jubanysh beldesýinde tatamı ıesi Mata Kokolaevty qapy qaldyrdy.
Bul - qazaqstandyq dzıýdoshylardyń jańa jyldaǵy osyndaı baıraqty básekedegi alǵashqy júldesi.
