Qazaqstandyq dzıýdoshy «Grand-Prix» jarysynyń qola júldesin ıelendi
ASTANA. QazAqparat - Mońǵolııanyń astanasy Ýlan-Bator qalasynda dzıýdo kúresinen ótip jatqan «Grand-Prix» jarysynda 48 keli salmaqta el namysyn qorǵaǵan Aleksandra Podrıadova qola júldeni qanjyǵasyna baılady, dep habarlaıdy QR dzıýdo federatsııasynan.
Jarys jolyn ekinshi aınalymnan bastaǵan Aleksandra, mońǵol dzıýdoshysy Bıshrelt Horloodoıdan basym túsip, jartylaı fınalda káris sportshysy Kang ıÝjengtan utylyp, úshinshi orynǵa kúresti. Qola úshin kezdesýde qytaılyq Djan ıAhongtan aılasyn asyryp úshinshi oryn aldy. Aıta keteıik, A.Podrıadova Jastar álem chempıonaty-2006 (Santa-Domıngo, Domınıkan Respýblıkasy) qola júldegeri, Álem kýbogy-2012 (Tashkent) jeńimpazy, Eýropa Kýbogy-2012 (Praga) qola júldegeri, Álemdik Gran-prı-2013 (Almaty, Tashkent) kúmis júldegeri, London Olımpıadasyna (2012) jáne Brazılııadaǵy álem chempıonatyna (2013) qatysýshy, Qazaqstan chempıonatynyń (2013) kúmis júldegeri.
