Qazaqstandyq dzıýdoshy Germanııada «qola» jeńip aldy
ASTANA. QazAqparat - Germanııanyń Bad-blankenbýrg qalasynda jastar arasynda ótken halyqaralyq týrnırde qazaqstandyq dzıýdoshy Kamıla Berliqash (+78 kg) júldeger atandy.
Bul týraly Dzıýdo federatsııasynyń baspasóz qyzmetinen habarlady.
Qola úshin beldesýde Kamıla frantsııalyq Raýhıtı Vernaýdonnan basym túsip, Qazaqstan qorjynyna qola medalin saldy.
Aıta keteıik, atalmysh týrnırge Qazaqstan quramasynan 17 sportshy qatysty.
