Qazaqstandyq dzıýdoshy Eýropa kýbogynyń qola júldegeri atandy
ORAL. QazAqparat - BQO Sportqa daryndy balalarǵa arnalǵan mamandandyrylǵan mektep-ınternaty kesheniniń shákirti Erlan Ońalov Berlınde kadetter arasynda dzıýdodan ótken Eýropa kýbogynyń qola júldegeri atandy, dep habarlaıdy «QazAqparat» tilshisi.
Atalmysh mektep-ınternattyń ádiskeri Gúldarııa Sısenovanyń aıtýynsha, Erlan kúresken 50 kg salmaqta barlyǵy 40 palýan baq synaǵan. Ergen Ýsmanov pen Narıman Bekqalıev jattyqtyratyn Erlan Ońalov úshinshi oryn úshin básekede álemdik reıtıngte birinshi orynda turǵan vengr palýanyn 18 sekýndta utyp ketken. Eýropa kýbogy da reıtıngilik jarys bolyp sanalady.
Aıta keteıik, bul - Erlannyń osyndaı ekinshi tabysy. Ol bıyl Túrkııanyń Antalııa qalasynda jasóspirimder arasynda dzıýdo kúresinen Eýropa kýbogy úshin ótken taǵy bir halyqaralyq jarysta qola júldeni jeńip alǵan bolatyn. Sondaı-aq bir jyl buryn Aqtóbe qalasynda 1999-2000 jylǵy jasóspirimder arasynda top jarǵan Erlan ótken jylǵy qyrkúıekte Saratovta qalanyń ashyq kýbogy úshin ótken jarysta da jeńimpaz atanǵan edi.
