Qazaqstandyq dzıýdoshy Eýropa kýbogynda júldeger atandy
NUR-SULTAN. QazAqparat - Qazaqstandyq Nurzat Sálimbaev Majarstannyń Paks qalasynda dzıýdodan jastar arasynda ótip jatqan Eýropa kýbogy jarysynda qola júldeger atandy, dep habarlaıdy QazAqparat tilshisi.
Qazaqstan dzıýdo federatsııasy málim etkendeı, atalmysh dodaǵa 27 elden 413 sportshy qatysýda. Jarystyń alǵashqy kúni 66 kg salmaqta kúresken N.Sálimbaev júldege ilikti. Ol jubanysh fınalynda chehııalyq Jan Svobodany taza jeńdi.
Sondaı-aq qazaqstandyq jas tatamı sheberleri Janasyl Ánýarov (73 kg) pen Móldir Narynova (70 kg) týrnırdi besinshi orynmen aıaqtady.
Eýropa kýbogy jekseni kúni márege jetedi.
