Qazaqstandyq dzıýdoshy Erasyl Qajybaev Marokkodaǵy Gran-prıde «kúmis» aldy
ALMATY. QazAqparat - Qazaqstandyq dzıýdoshy Erasyl Qajybaev Marokkoda ótken álemdik Gran-prıdiń kezeńinde kúmis medaldi jeńip aldy, dep habarlaıdy QazAqparat.
Shyǵys Qazaqstan oblysynyń atynan óner kórsetken óren fınaldyq beldesýde nemis Sven Hınlege «ıppon» ádisimen jeńilip qaldy. Ol 100 keliden joǵary salmaqty óner kórsetti.
Fınaldyq beldesýlerge deıin ol ýkraınalyq Fedor Panko men senegaldyq Mbagnık Ndıaıeni utty. Sondaı-aq rýmynııalyq Vladýta Sımoneskýdiń de jaýyrynyn jer ıisketti.
Aıta ketetin másele, Gran-prıdiń alǵashqy kúninde elimizdiń qorjynyna qola medaldy Erlan Serikjanov (66 kg) salǵan bolatyn.
Atalǵan reıtıngtik jarysta Qazaqstan quramasynyń namysyn 19 er jáne áıel palýan qorǵaǵan bolatyn. Jarysqa jalpy álemniń 71 elinen 500 dzıýdoshy qatysty.
Elaman Turysbekov
