Qazaqstandyq dzıýdoshy el tarıhyndaǵy tuńǵysh sýrdolımpıadalyq medalǵa qol jetkizdi
ASTANA. QazAqparat - Estý qabileti tómen sportshylar arasynda Túrkııanyń Samsýn qalasynda ótip jatqan HHІІІ Sýrdolımpıada oıyndarynda qazaqstandyq dzıýdoshy Shaıahmet Qanapııanov kúmis medalge ıe boldy, dep habarlaıdy «QazAqparat» HAA tilshisi.
Bul týraly QR Mádenıet jáne sport mınıstrligi Sport jáne dene shynyqtyrý komıtetiniń baspasóz hatshysy Raýhan Tuǵymbaeva habarlady.
Shaıahmet Qanapııanov Sýrdolımpıada oıyndarynda 66 keli salmaqta óner kórsetip, aqtyq saıysta reseılik balýan Rýslan Askerovtan jeńildi. Fınalǵa shyqpas buryn jerlesimiz túrik, ıran jáne ýkraın dzıýdoshylaryn tize búktirgen. Qazaqstan Táýelsizdik alǵaly beri Sýrdolımpıada oıyndarynda júlde alyp kórmegenin eskersek, Shaıahmettiń jetistigin tarıhta qalatyn jeńis dep aıtýǵa bolady.
Eske sala ketsek, 28 shildede Túrkııanyń Samsýn qalasynda HHІІІ Sýrdolımpıada oıyndary bastalǵan bolatyn. Tórt jylda bir ótetin álemdik jarysqa 100 memlekettiń 3 myńnan astam sportshylary qatysýda. Atalǵan jarysta Qazaqstannan 9 sport túrinen 50-ge jýyq sportshy attanǵan. Atap aıtqanda, qazaqstandyq sportshylar grek-rım kúresi, jeńil atletıka, júzý, taekvondo, karate, ústel tennısi, dzıýdo jáne sporttyq baǵdarlaý túrlerinen el namysyn qorǵap jatyr. Sýrdolımpıada oıyndary 30 shildede aıaqtalady.
