Qazaqstandyq dzıýdoshy Ashat Telmanov - «Úlken dýlyǵa» týrnıriniń kúmis júldegeri
ASTANA. 4 mamyr. QazAqparat - Bakýde «Úlken dýlyǵa» týrnırinde qazaqstandyq dzıýdoshy Ashat Telmanov kúmis júldeni qanjyǵasyna baılady, dep habarlaıdy Sports.kz.
Aqtyq synǵa shyǵý úshin talasta jerlesimiz ýkraındyq Sergeı Bobyr, frantsýz Sofınan Mılýs jáne túrik Ahmet Kabty tize búktirdi. Sheshýshi aıqasta Ashat mońǵol sportshysy Amartývshın Dashdavaaǵa jol berdi.
Bul Qazaqstan qorjynyna kelip túsken alǵashqy júlde. Týrnırdiń jalpy esebinde Qazaqstan besinshi orynǵa jaıǵasty.
