Qazaqstandyq dzıýdoshy álem chempıonatynyń kúmis júldegeri atandy
NUR-SULTAN. QazAqparat – Mádına Paragýlgova Almatyda dzıýdodan jasóspirimder arasynda ótip jatqan álem chempıonatynda kúmis júldeger atandy, dep habarlaıdy QazAqparat tilshisi.
Qazaqstan dzıýdo federatsııasy málim etkenindeı, M.Paragýlgova 70 keliden astam salmaqta tatamıge shyqty.
Mádına alǵashqy qarsylasy kıprlik Zanet Mıshaıldoýdy qınalmaı utyp, shırek fınalǵa ótti. Sosyn qyrǵyzstandyq Sháhıda Narmuhamedovany jeńdi.
Jartylaı fınalda frantsııalyq Lız Ngelbııadan vazarımen alty sekýnd qalǵanǵa deıin utylyp jatyp, ıpponmen jeńisti julyp alyp, qarsylasyn qapy qaldyrdy.
Fınalda brazılııalyq dzıýdoshy, Panamerıkanyń eki dúrkin chempıony Anna Sýdtosqa ese jibergen M.Paragýlgovanyń kúmis medali – úlken tabys.
Osylaısha Qazaqstan quramasy jekeleı saıystardy 1 altyn, 1 kúmis, 4 qolamen támamdady.
Erteń – álem chempıonatynyń sońǵy kúni. Quramalar aralas komandalyq jarysta synǵa túsedi.
Eske sala keteıik, budan buryn dzıýdodan álem chempıonatynda taǵy bir qazaqstandyqtyń qola júlde alǵanyn jazǵan bolatynbyz.
