Qazaqstandyq djıý-djıtsýshylar Azııa chempıonatynda 12 altyn medaldiń 11-in jeńip aldy
ALMATY. 19 jeltoqsan. QazAqparat - Almatyda ótken «Profı faıt» djıý-djıtsý jekpe-jegi boıynsha II Azııa ashyq chempıonatynda Qazaqstan sportshylary 12 altyn medaldiń 11-in utyp aldy.
Halyqaralyq djıý-djıtsý kombat federatsııasy (HDDKF) jáne Ulttyq federatsııa uıymdastyrǵan «Profı-Faıt» djıý-djıtsý kásibı sporttyq jekpe-jek jarystaryna 10 elden - Qazaqstan, Qyrǵyzstan, Reseı, Ýkraına, Ázirbaıjan, Túrkimenstan, Túrkııa, Nıgerııa, Aljır jáne Irannan 120 sportshy qatysty.
Sonymen qyzdar arasynda altyndy Aıjan Kókkózova (50 keli), Albına Jaqupova (55 keli), Aıdana Toılybekova (62 keli), Aqjarqyn Baıturbaeva (70 keli), Almagúl Kashına (70 keliden joǵary); erler arasynda - Rýslan Tezekbaev (57 keli), Qasym Ánýarbek (62 keli), Temirlan Aısádilov (69 keli), Qanat Jaqypbaev (76 keli), Nurlan Tileýmbetov (84 keli), Sergeı Işýk (92 keliden joǵary) jeńip aldy. Jáne joǵary synamaly bir medaldi Túrkimenstannan kelgen Serdar Qajymuratov (92 keli) jeńip aldy.
