Qazaqstandyq djıý-djıtsýdan halyqaralyq týrnırde qola júlde aldy
ASTANA. QazAqparat - Jiu-Jitsu Grand Slam Paris Open JJIF 2017 halyqaralyq týrnıriniń birinshi kúni Qazaqstan quramasyna alǵashqy qola medaldy mańǵystaýlyq sportshy Ábýbákir Jánibek saldy, dep habarlaıdy Qazaqstannyń djıý-djıtsý qaýymdastyǵynyń baspasóz qyzmeti.
«Saıys óte tartysty ótti, básekelestik kúshti boldy. Alǵashqy kúreste jastar arasyndaǵy djıý-djıtsý chempıony, Frantsııa quramasynyń sportshysy Toýatı Dıýlandy jeńdim. Ekinshi aıqasta ýkraınalyq sportshydan jeńilip qaldym. Ári qaraı Shvetsııanyń, Frantsııanyń sportshylarymen kezdestim. Úshinshi oryn úshin Reseı quramasynan kelgen qarsylasym myqty boldy, 6:2 esebimen jeńiske jettim», - dedi halyqaralyq týrnırdiń qola júldegeri Ábýbákir Jánibek.
Halyqaralyq týrnır Parıjde ótip jatyr. Búgin ulttyq qurama sportshylary nevaza-sıstem boıynsha chempıon ataǵy úshin baq synaıdy.
