Qazaqstandyq djıý-djıtsý sheberleri álemdi moıyndatty
AQTAÝ. QazAqparat - Mańǵystaýlyq sportshy álem chempıonatynan júldeli oraldy. Abý-Dabıde djıý-djıtsýdan ótken jarysqa dúnıejúziniń 45 memleketinen 1000-ǵa jýyq sportshy qatysqan bolatyn. Jalpy komandalyq esepte ulttyq qurama 5-shi oryn aldy, dep habarlaıdy QazAqparat.
Orynbek Qonysov alǵashqy álem chempıonatynda kúmis medalǵa ıe boldy. 20 jasar jigit 94 salmaqta baq synady. Birneshe kezdesý ótkizip, qarsylastaryn tize búktirgen. Jartylaı fınalda úndistandyq sportshyny jeńip, aqtyq kezeńde Gretsııadan kelgen qarsylasyna ese jibergen.
«Álem chempıonatyna daıyndyq jaqsy boldy. Negizi maqsat «altyn» boldy. Biraq, «kúmis» buıyrdy. Osy jarysqa daıyndaǵan bapkerim Bolat Dúısenbıevke kóp raqmet»,- deıdi Djıý-djıtsýdan álem chempıonatynyń kúmis júldegeri Orynbek Qonysov.
Jastar men jasóspirimder arasyndaǵy sporttyq báseke Abý-Dabıde naýryzdyń 1-i men 4-i aralyǵynda ótti. Ulttyq qurama sapynda 70-ke jýyq sportshy shyqty. Olar 1 - altyn, 4-kúmis jáne 6-qola medal enshiledi. Qazaqstan quramasy jalpy komandalyq esepte úzdik 10-tyń qataryna kirdi.
Djıý-djıtsýdan MO quramasynyń bas bapkeri Bolat Dúısenbıevtiń aıtýynsha, barlyǵy 45 memleket qatysty. Mańǵystaýdan 8 sportshy shyqty. Sonyń bireýi ekinshi oryn aldy. Ótken jyly kórsetkish jaqsy boldy. Ol kezde bir chempıon, bir kúmis júldeger jáne bir qola júldeger bolyp edik. Endi daıyndyqty kúsheıtemiz.
«Jeńispen oralǵan jerlester kelesi saıysqa daıyndyqty bastady. Alda jastar men jasóspirimder úshin synaq kóp. Sondyqtan, eńbek bárin jeńbek,-deıdi sportshylar.
