Qazaqstandyq drondar eksportqa shyǵarylmaq

NUR-SULTAN. QazAqparat – Otandyq ushqyshsyz basqarylatyn ushý apparattary eskportqa shyǵarylmaq. «Qazaqstan Injınırıng» UK» AQ men Serbııanyń «YUGOIMPORT-SDPR» kompanııasy ózara yntymaqtastyq týraly kelisimge qol qoıdy, dep habarlaıdy QazAqparat Indýstrııa jáne ınfraqurylymdyq damý mınıstrliginiń baspasóz qyzmetine silteme jasap.

«Qazaqstandyq ónimniń álemdik naryqqa shyǵýy bizge zor múmkindik beredi. Sonymen qatar, suranystyń bolýy – qazaqstandyq ónimniń sheteldik óndirýshilermen básekege túse alatyndyǵynyń aıqyn kórsetkishi dep sanaımyn. Aldaǵy ýaqytta osy taraptaǵy áriptestigimizdi arttyra túsemiz», - dedi Indýstrııa jáne ınfraqurylymdyq damý mınıstri Qaıyrbek Óskenbaev basqosýda.

Sondaı-aq, kelisim elder arasyndaǵy áskerı tehnıkalyq quraldardy birlese óndirý boıynsha birqatar ýaǵdalastyqtardy qamtıdy. Onyń ishinde, zamanaýı áskerı qarý-jaraq túrlerin shyǵarý, qorǵanys-ónerkásip kesheni salasyndaǵy eń jańa álemdik standarttar men praktıkalardy engizý kózdelgen.

Aldaǵy ýaqytta Qazaqstan men Serbııa kásiporyndary 82 jáne 120 mm kalıbrli zymyran-artıllerııalyq oq-dáriler men mınometterdi birlese óndirmek.

«Bizdiń kompanııa úshin bul – damýdyń mańyzdy kezeńi. Sheteldik naryqtarǵa shyǵý – bizge ózimizdi tanytýǵa, óndiristi keńeıtýge, basqa elderdiń satyp alý áleýetin paıdalanýǵa jáne salany damytýǵa múmkindik beredi», - dedi «Qazaqstan Injınırıng» UK» AQ basqarma tóraǵasy Temirjan Ábdirahmanov.

Foto: press-slýjba MIIR RK