Qazaqstandyq doıbyshylar álem chempıonatynan qos júldemen oraldy
ORAL. QazAqparat - Batysqazaqstandyq doıbyshylar Bolgarııanyń Kranevo qalasynda 64 sharshyly doıbydan jasóspirimder men jastar arasynda ótken álem chempıonatynda qos júldege qol jetkizdi.
BQO dene shynyqtyrý jáne sport basqarmasynan túsken málimetke qaraǵanda, atalmysh dodaǵa álemniń 17 elinen 300-deı doıbyshy qatysyp, alty jas ereksheligine (8, 10, 13, 16, 20 jáne 23 jasqa deıingiler) qaraı baq synaǵan.
Halyqaralyq dárejedegi sport sheberi Altynaı Jumageldıeva 23 jasqa deıingiler arasynda ekinshi oryndy enshilese, Ánel Dáýletova 13 jasqa deıingilerden qola júldeni ıelendi. Olar Oraldaǵy №2 balalar-jasóspirimder sport mektebinde jattyǵady.
Qazirgi kezde oblys quramasy doıbydan erler men áıelder arasynda 4-14 qazan aralyǵynda Qaskeleń qalasynda ótetin el birinshiligine ázirlenýde.
Doıbydan BQO quramasynyń aǵa bapkeri Danııar Jumageldıev ekendigin aıta keteıik.
