Qazaqstandyq doıbyshy halyqaralyq jarysta jeńimpaz atandy
ORAL. QazAqparat – Batysqazaqstandyq doıbyshy Ánel Dáýletova halyqaralyq jarysta jeńimpaz atandy, dep habarlaıdy QazAqparat tilshisi.
Halyqaralyq doıby federatsııasy (IDF) málim etkenindeı, 2020 jylǵy ıntellektýaldyq sport olımpıadasy (MSO) aıasynda bıyl Gambler tuǵyrnamasynda doıby-64-ten onlaın jarystar ótkizildi.
Olımpıada aıasynda doıby-64-ten tórt onlaın týrnır uıymdastyryldy.
Jastar arasyndaǵy jarysqa 174 sportshy qatysyp, 11, 14 jáne 17 jasqa deıingiler arasynda jeńimpaz-júldegerler anyqtaldy. 17 jasqa deıingi qyzdar arasynda qazaqstandyq Ánel Dáýletova úzdik shyqsa, Belarýs eliniń ókili Vıktorııa Nıkolaeva ekinshi, reseılik Alena Bolshakova úshinshi orynǵa ıe boldy.
Oǵan qosa uldar men qyzdar arasynda jalpy esepte BQO-nyń doıbydan aǵa bapkeri, Qazaqstannyń eńbek sińirgen jattyqtyrýshysy Danııar Jumageldıevtiń shákirtteri ekinshi orynǵa kóterildi.
Bul Áneldiń birinshi tabysy emes. Ol buǵan deıin eki dúrkin álem chempıony atanǵan bolatyn.
Eske sala keteıik, budan buryn batysqazaqstandyq qos doıbyshynyń álem chempıony atanǵanyn jazǵan bolatynbyz.
