Qazaqstandyq doıbyshy álem kýbogy kezeńiniń jeńimpazy atandy
ORAL. QazAqparat - Italııanyń Rımını qalasynda doıby 64-ten ótken álem kýbogynyń ekinshi kezeńinde batysqazaqstandyq halyqaralyq sheber Altynaı Jumageldıeva jeńimpaz atandy.
BQO dene shynyqtyrý jáne sport basqarmasynan túsken málimetke qaraǵanda, budan buryn da jastar jáne eresekter arasynda dúnıejúzilik dodalarda top jaryp júrgen Altynaı bul joly áıelder básekesinde úzdik nátıjeni enshiledi.
Daryndy doıbyshyny ákesi, Qazaqstannyń eńbek sińirgen jattyqtyrýshysy Danııar Jumageldıev baptap keledi. Onyń habarlaǵanyndaı, Altynaı endi Sankt-Peterborda ótetin álem kýbogynyń úshinshi kezeńine jáne Indonezııanyń Djakarta qalasynda bıylǵy qyrkúıekte bolatyn ІІІ Dúnıejúzilik ıntellektýaldyq oıyndarǵa qatyspaqshy.
Aıta keteıik, Dúnıejúzilik ıntellektýaldyq oıyndar tórt jylda bir ótedi.
