Qazaqstandyq Dmıtrıı Gaag Qytaıda ótken trıatlon boıynsha Azııa Kýbogynda ekinshi oryndy jeńip aldy
ASTANA. 10 mamyr. QazAqparat - Qytaılyq Fýchjoý qalasynda trıatlon boıynsha Azııa Kýbogy aıaqtaldy. Onda Şýchınsk qalasyndaǵy QR Qorǵanys mınıstrligi áskeriniń ortalyq sport klýbyndaǵy jattyqtyrý ortalyǵynyń áskerı qyzmetker sportshysy
Dmıtrıı Gaag ekinshi oryndy jeńip aldy.
Bul týraly QR Qorǵanys mınıstrliginiń baspasóz qyzmetinen habarlaıdy.
Jarystarǵa álemniń 12 elinen kelgen 40 atlet qatysty. Qazaqstandy sportshy máre kezinde qytaılyq Fagýan Baıdan nebary 27 sekýndqa qalyp qoıdy. Úshinshi oryndy danııalyq Iens Toft jeńip aldy.
Qazaqstandyq áskerdiń 20 jyldyǵy qarsańynda QR Qarýly kúshteri qurama tobynyń 6 múshesi Túrkııadaǵy Eýropa Kýbogyna qatysqanyn atap ótý kerek. Nátıjeleri keıinirek jarııalanady.
