Qazaqstandyq dızaınerler óz kollektsııalaryn Mercedes-Benz Fashion Week Russia aptalyǵynda kórsetedi
ALMATY. QazAqparat - Qazaqstandyq dızaınerler óz kollektsııalaryn Mercedes-Benz Fashion Week Russia aptalyǵynda kórsetedi. Kórsetilim ekijaqty seriktestik aıasynda 11 naýryzda uıymdastyrylmaq.
Reseılik tutynýshy nazaryna belgili qazaqstandyq dızaıner Alex Chzhen, Chaude by Khafiz-Khan, Tamara Lamanukaeva, StudioK, Samidel óz týnydylaryn usynady.
«Kazakhstan Fashion Week kóp jyldan beri MBFWeek Russia aptalyǵymen seriktes bop keledi. Búginde bul dostyqtyń arnasy ashylyp jańa deńgeıge shyqqany kóńilge qýanysh uıalatady. Bizdiń kórseterimiz kóp», - dedi Kazakhstan Fashion Week art-dırektory Alekseı Chjen.
Qazaqstandyq dızaınerler Reseı naryǵyna birinshi ret shyǵyp turǵan joq. Osydan birneshe jyl buryn Kamila Kurbani men Kuralaidyń kıimderi kórsetilgen.
Aıta ketý kerek, Mercedes-Benz Fashion Week Russia aıasynda eń úzdik 70 dızaınerdiń jumysy kórsetiledi. Ádette, sán kórsetilimderine 50 myńnan astam adam jınalady.
