Qazaqstandyq dızaınerler Mılandaǵy sán aptalyǵyna qatysady
ALMATY. QazAqparat - Qazaqstandyq dızaınerler Mılandaǵy sán aptalyǵyna qatysady, dep habarlaıdy QazAqparat tilshisi.
Qyrkúıekte ótetin sán aptalyǵynda qazaqstandyq dızaınerler otandyq 5 brendtiń kıizden jasalǵan sómkelerin, zergerlik buıymdaryn, kıimderin kórsetedi.
«Eksportqa taýardy sátti shyǵarý úshin aldymen brend jasaý kerek. Bizdiń kóptegen dızaınerler brend jasamaıdy. Nátıjesinde sheteldik arenaǵa shyqqan taýar básekege qabilettiligin joǵaltady. Álemdik sahnaǵa shyǵý úshin birinshi brend kerek. Kıim, aksessýar, áshekeı zattarynyń brendin jasap jatyrmyz. Mılandaǵy sán aptalyǵyna qatysqan sángerlerimiz kóp tájirıbe jınap, Qazaqstannyń sán álemin álemdik sahnaǵa bir taban jaqyndatady dep oılaımyz», - dedi sánger Aıajan Jaqsybaı.
Qazirgi tańda otandyq dızaınerler básekege qabiletti ónim shyǵarý úshin sheteldik mamandardan sabaq alyp jatyr.
«Biz qazaqstandyq sángerlerge evropalyq naryqqa saı toptama jasaýdy úıretip jatyrmyz. Qazaqstannyń sán álemindegi múmkindigi mol», - dedi Pırýza Bolano.
