Qazaqstandyq dıplomattar arasynda Jazǵy spartakıada ótkizildi
NUR-SULTAN. QazAqparat - Búgin Qazaqstannyń dıplomatııalyq qyzmet kúni qarsańynda elimizdiń syrtqy saıası vedomstvosynyń Qazaqstandyq dıplomattar birlestigi músheleri arasynda jyl saıynǵy jazǵy spartakıada uıymdastyryldy, dep habarlaıdy QazAqparat QR Syrtqy ister mınıstrliginiń Telegram-daǵy paraqshasyna silteme jasap.
Spartakıadanyń 130-dan astam qatysýshysy fýtbol jáne voleıbol týrnırlerinde básekelesti.
Jarysqa shaqyrylǵan qonaqtar retinde QR Tuńǵysh Prezıdenti - Elbasy Keńsesiniń jáne QR Prezıdenti Ákimshiliginiń Syrtqy saıasat ortalyǵynyń fýtbol komandalary qatysty.
Tartysty kúres nátıjesinde fýtbol chempıondary QR Tuńǵysh Prezıdenti - Elbasy Keńsesiniń komandasy atandy, olar fınalda penaltı boıynsha Quqyqtyq departamentten basym tústi. Amerıka departamentiniń komandasy qola júldege ıe boldy.
Voleıbol jarysynda Syrtqy ekonomıkalyq saıasat departamentiniń komandasy jeńiske jetti, «dıplomatııalyq servıs» RMK ekinshi oryndy enshildi, jeńimpazdar úshtigin adam resýrstary departamentiniń komandasy túıindedi.
