Qazaqstandyq dıplomat BUU Bas hatshysynyń kómekshisimen Qazaqstannyń saıası reformasyn talqylady

ASTANA. QazAqparat - BUU janyndaǵy Turaqty Qazaqstan ókiliniń birinshi orynbasary Barlybaı Sadyqov BUU Bas hatshysynyń kómekshisi, BUU Damý baǵdarlamasynyń Azııa jáne Tynyq muhıty aımaǵyndaǵy óńirlik dırektory Sıýı Haolıanmen kezdesti.

Kezdesý barysynda olar QR Prezıdenti N.Á.Nazarbaev usynǵan konstıtýtsııalyq reformalar jobasyn, Ortalyq Azııadaǵy qaýipsizdik máseleleri men Qazaqstannyń BUU Qaýipsizdik Keńesine músheligi kezeńindegi ózara árekettestikterdiń negizgi aspektilerin talqylady.

B. Sadyqov ókilettikterdi memlekettik bılik tarmaqtary arasynda qaıta bólý reformasy týraly túsinikteme berip ótti jáne  olardyń zamanaýılyǵy men Qazaqstan damýynyń basymdyqtaryna sáıkestigin atap ótti.

Sıýı Haolıan, óz kezeginde, prezıdenttik basqarý júıesinen aralas júıege aýysýdyń eleýli jaǵymdy ózgerister ákelerine senim bildirdi. Onyń pikirinshe, bılikti ortalyqsyzdandyrý  eldiń ishki betalysynyń ǵana emes, halyqtaralyq qaýymdastyqtyń da oń baǵasyn alady.