Qazaqstandyq dinı jamaǵatty izgilikke, minájatqa shaqyryp, Qazaqstannyń rýhanı negiziniń nyǵaıýyna úles qosamyz - Qazaqstan Mıtropolıti - Aleksandr
ASTANA. QazAqparat - Qazaqstan Respýblıkasyndaǵy Orys pravoslav shirkeýi mıtropolıttik okrýgynyń basshysy Astana jáne Qazaqstan mıtropolıti Aleksandr barsha pravoslav dindar jamaǵatyn jáne qazaqstandyqtardy Rojdestvo merekesimen quttyqtady.
QazAqparat oqyrmandarǵa quttyqtaý mátinin usynady.
Qymbatty baýyr-qaryndastar, Qazaqstan jeriniń turǵyndary!
Rojdestvo jáne Iısýs Hrıstostyń týǵan kúnimen shyn júrekten quttyqtaımyn! «Aspan kúshteri qýanýda, jáne de jer men adamdar toılaýda...» - evangelııalyq bul habar adamdardyń júregine úmit uıalatyp, shyǵarmashylyq qýatyn oıatady, Qudaı men adamdarǵa qyzmet etýge jeteleıdi.
Qudaıdyń sheksiz mahabbaty Hrıstosqa senýshilerdi zulymdyqtan qutqarý jáne onyń rýhanı turǵyda qaıta dúnıege kelýi úshin Uly Jaratýshy jerge túskeninen kórinedi. Bul kúnderi jańa paıǵambar nemese muǵalim, dana basqarýshy nemese uly batyr týǵanyn emes, adamdardyń kúnálaryn óteý úshin osy álemdi Jaratýshynyń ózi adam tulǵasynda jerge túsýine qulshylyq etemiz.
Hrıstostyń týýy Qudaıdyń bar ekenin aıǵaqtap, onymen syrlasý múmkindigi bar ekenin rastaıdy. «Sóz de tánge aınalyp, bizben birge turdy», - dedi Iısýs Hrıstostyń oqýshysy apostol Ioann Bogoslov. Hrıstostyń álemge kelýi adamzatqa uly ári baǵa jetpes syı - Qudaıdy taný, ómir mániniń paıda bolýyn, kúnádan arylý jolyn, ólimdi jeńý, jánnát jáne máńgilik rahatty ákeledi. Qudaı ýaǵyzdary boıynsha Hrıstosqa degen senim jáne raqymdy ómir biz úshin Qudaıǵa qosylýdyń ádisi ǵana emes, Qutqarýshymyzǵa degen syı.
2015 jyly pravoslav senimdegilerdi aıtýly datalar kútýde: Dúnıeden ótken Almaty mıtropolıti Nıkolaıdy, qasıetti mıtropolıt Iosıfti (Chernov) eske alý, Almaty Voznesensk kafedraldyq soborynyń Orys pravoslav shirkeýine qaıtarylýynyń 20 jyldyǵyn atap ótemiz. Qazaqstandyq dinı jamaǵatty izgilikke, minájatqa shaqyryp, bizdiń mıtropolıttik okrýgte shirkeý ómiriniń damýyna qamqor bolyp, adamdarǵa álemdi qutqarýshy Iısýs Hrıstos ákelgen beıbitshilik pen mahabbatty kórsetemiz jáne Otanymyz - Qazaqstannyń rýhanı negiziniń nyǵaıýyna úles qosamyz.
Qudaıdyń súıikti ul-qyzdary, sizderdiń barlyqtaryńyzdy Rojdestvo merekesimen quttyqtaımyz. Aǵymdaǵy jyl Qudaıdyń shapaǵatyna toly bolsyn, beıbit jáne sátti ýaqyt bolsyn, barlyq qazaqstandyqtar ony rýhanı tazalyqta jáne Qudaıǵa senip ótkizsin!
