Qazaqstandyq dinı konfessııalar ókilderi musylman jamaǵatty qasıetti Qurban aıt merekesimen quttyqtaýda
QARAǴANDY. 24 qazan. QazAqparat - Rýhanılyqta biriktiretin kúsh bar, dep esepteıdi Qaraǵandy jáne Shahtınsk eparhııasynyń hatshysy Vladımır ákeı.
«Kez kelgen halyqtyń mádenıeti rýhanılyq arqyly qalyptasady. Qazaqstanda búgin dinı senimniń naqty bostandyǵy bar, biraq anarhııa joq. Qazirgi shirkeý, beıbitshilik, mahabbat, meıirimdilikti qalaıtyn dinge senetin adamdar úshin jaqsy ýaqyt», - dep atap ótti Vladımır ákeı.
Túrli dinı konfessııalardyń jaqtaýshylarynda eshqandaı túsinbeýshilikter joq, dep atap ótti ol. «Bizde maqsat bireý. Biz túrli áleýmettik jobalardyń toǵsatyn kóptegen núkteleri bar», - deıdi pravoslavıelik dinbasy.
Ol musylmandardy kele jatqan Qurban aıt merekesimen quttyqtady. «Bul - barlyq musylmandardyń uly meıramy. Dinı shynaıylyq bizdiń halyqtarymyzǵa árqashan basshylyq etse eken dep, barlyǵymyz birlikte bolsaq eken dep tilemin», - dedi Qaraǵandy jáne Shahtınsk eparhııasynyń hatshysy.
Onyń quttyqtaýlaryna Qaraǵandy oblystyq evangelıstik lıýterandyq baýyrlastyq prıhodynyń qyzmetkeri Petr Jasınasta qosyldy. «Biz birge qýanýdamyz. Keshe ǵana Ǵalamtor arqyly 5-6 myń adamnyń qajylyqqa attanǵanyn kórdim. Bul da qýantady, óıtkeni ol beıbitshilik pen ózara kelisimge ákeledi. Qazaqstan barlyq álemge dana saıasatyn kórsetýde, munda turatyn kóptegen ult, din ókilderi ózderiniń dinin, mádenıetin ashyq nasıhattaıdy», - deıdi pastor.
